Samsung 率先推出嘅 3nm GAA 製程技術，但最近有報導指出，其晶片生產良率仍然未達理想。根據新聞網站 Naver 嘅消息，Samsung 原本對於其首兩代 3nm GAA 製程設定咗 70% 嘅良率目標，但而家睇落呢個目標似乎遙不可及。
報導提到，首代 SF3E-3GAE 的良率大概係 50% 至 60%，雖然接近目標，但仍無法達到可以吸引商業的水平。良率不足成為 Samsung 吸引新客戶採用其 3nm GAA 技術嘅主要障礙之一，舉例來講，Qualcomm 已經決定將 Snapdragon 8 Elite 交由台積電生產，採用佢哋嘅 3nm N3E 架構。
至於代號 SF3-3GAP 嘅第二代 3nm 製程，就更加唔樂觀，報導指出良率只有約 20%，遠遠低於最初設定目標嘅三分之一。
如果 Samsung 在良率上無法取得進展，對於其 3nm 技術市場信心就會進一步下降，甚至有可能導致部分韓國客戶轉向使用台積電更成熟嘅 3nm 技術。由於面對 3nm GAA 技術嘅諸多挑戰，有傳言指 Samsung 已經開始將資源和人才逐步轉向即將推出嘅 2nm 節點技術。據聞，代號 Ulysses 嘅 Exynos 處理器正使用 SF2P 技術開發，預計會喺 2027 年應用喺 Galaxy S27 系列上。
