KONAMI最近宣佈，為慶祝「遊戲王卡牌遊戲」面世25周年，推出《YU-GI-OH! Early Days Collection》。呢個合輯而家喺NS平台（包括實體版同數位版）同Steam平台推出，Steam版仲可以兼容Steam Deck。
Nintendo Switch嘅實體版仲隨機附送一張由Quarter Century Secret Rare規格加工嘅卡牌，可能係「完全究極態大飛蛾」或者「聖夜龍」。
呢次嘅合輯匯集咗多年來未曾在日本以外地區推出嘅經典遊戲，包括14款GameBoy、GameBoy Color同GameBoy Advance嘅經典遊戲。另外，仲包含咗1998年至2004年間推出嘅經典《遊戲王》數位遊戲，詳細遊戲名單可以直接查看相關鏈接。
本作加入咗當年原作遊戲未有嘅「任意儲存｜載入功能」，而且支援喺「遊☆戯☆王デュエルモンスターズ4 最強決闘者戦記」中進行線上對決。上市後，更多遊戲都會隨更新支援線上對戰，並提供控制按鍵配置同背景設置嘅客製化選項。