對於熱愛手機的朋友們，近年來一定對英國品牌 Nothing 不陌生，佢專門推出機背可透過 LED 燈帶閃耀嘅手機。Nothing 這個品牌自創立以來，已經推出咗五部手機，最近有傳聞話佢哋計劃喺 2025 年上半年一次過推出三部全新手機，其中一部更有可能搭載 Qualcomm Snapdragon 7s Gen 3 處理器。
雖然消息來源未透露這三部新機具體係邊三款，但早前流出咗一部代號為 Nothing A059 嘅手機，使用咗 Qualcomm Snapdragon 7s Gen 3 中階處理器，根據 Geekbench 的信息顯示，呢部手機配備 8GB RAM，並預裝 Android 15 作業系統，單核及多核得分分別為 1,149 分及 2,813 分，效能表現相當可觀。
近期，Nothing 先後推出咗兩部新機，分別係 Nothing Phone (2a) Plus 及專為支持者設計的 Nothing Phone (2a) Plus Community Edition，後者更係喺短短 15 分鐘內售罄，反映出用家對該產品嘅熱烈反應。至於嚟年這三部新機中除 Phone (3) 外，仲會唔會有其他驚喜? 會否推出主打高性價比的 CMF 系列品牌呢？大家就靜候佳音啦。
