Converse 最近推出咗全新嘅復古跑鞋系列，並邀請到韓國代言人 aespa 嘅 KARINA 成為面孔，為呢個系列增添獨特魅力。
新系列包括三款專為現代生活方式而設計嘅復古跑鞋，向 20 世紀 70 年代末至 80 年代初嘅跑步熱潮致敬——Wave Trainer 經典復古跑鞋、Omni Trainer 都市復古跑鞋以及 Omega Trainer 學院復古跑鞋。
Omega Trainer 係將兩款 80 年代經典鞋型重新演繹，保留咗原版鞋型嘅靈魂，並巧妙地結合復古色彩同現代美學，流線型嘅外觀配合高質素皮革製成嘅星箭標，最終搭載輕盈嘅 EVA 鞋底，確保每一步都舒適無比；至於 Omni Trainer，靈感同樣來自 80 年代嘅訓練鞋，鞋面由柔軟麂皮拼接而成，加上皮質星箭標 點綴；而 Wave Trainer 就更多一層對原版復古跑鞋嘅全新詮釋，鞋面用咗麂皮拼接同星箭刺繡標，材質同色彩嘅靈活搭配更添風格。
同時，Converse 亦推出咗一系列復古休閒服飾，預計將會同鞋款系列一齊於近日正式上架於 Converse 嘅各大指定店鋪。
