Honda近期喺 CES 2025 展會上帶來咗好多驚喜，除咗同 Sony 合作開發嘅電動車「AFEELA 1」，仲有全新推出嘅 0 Saloon 同 0 SUV 兩款電能原型車。
呢兩款原型車係即將推出嘅 0 系電動車系列一部分。0 Saloon 作為旗艦車型，設計上大膽，流線型楔形造型加上寬敞嘅車廂，令整部車都散發住運動感，而 0 SUV 就更加注重靈活性同視野，力求創造一個「持續進化」嘅空間。兩款車型都係整合咗 Honda 自家開發嘅「ASIMO OS」作業系統，目標係提供一個高度個性化嘅操作體驗。
喺活動期間，Honda 更承諾呢個車系會搭載 Level 3 自動駕駛技術，喺某些路段能夠實現無需駕駛者注視嘅自主行駛。預計 0 系列會喺 2026 年正式投產，首站喺北美市場推出，跟住就係日本同歐洲，至於嘅定價就有待日後再公佈。