經典 FPS 遊戲 Half-Life 2 最近推出咗 20 週年紀念大型更新，唔少玩家都感慨「Valve 唔會數到 3」，諷刺佢哋一直未推出第三集。原來，Valve 喺週年紀念嘅紀錄片中透漏咗其中原因。
Valve 創辦人 Gabe Newell 喺紀錄片中首次坦承，Half-Life 系列遲遲未推出第三集，屬於「個人失敗」。佢表示，雖然可以輕易製作續集來滿足玩家對劇情發展嘅好奇，但係始終無法找到可以讓遊戲有突破性進展嘅方向。
開發團隊解釋話，佢哋曾經為 Half-Life: Episode 3 構思過創新玩法，包括可以讓玩家製造屏障、平台，甚至係滑行路徑嘅「Ice Gun」，仲有會穿越柵欄、分裂成小型生物嘅「blob」敵人。不過，呢啲創意最終都未能成功推動遊戲開發。
有報導認為，Newell 已經將 Half-Life 2 視為一個引擎、一個平台，甚至係一個產業，因此佢並冇追求推出續作，而係將呢個作品繼續雕琢，正因如此才推出 Half-Life 2 嘅 20 週年更新版本。
來源：The Verge