Keanu Reeves 首次出戰 Toyota GR Cup，印第安納波利斯賽車場見真章，25名不容忽視

Keanu Reeves 除咗係動作電影巨星，宜家仲多咗一個職業賽車手嘅身份。早前佢喺印第安納波利斯賽車場（Indianapolis Motor Speedway）首次出戰 Toyota GR Cup，成為佢職業生涯中第一場賽車比賽。

喺共 35 名選手中，Keanu Reeves 嘅表現雖然中規中矩，但都值得讚賞。第一日賽事期間，佢一度排到第 21 名，最終以第 25 名完賽。值得一提嘅係，佢喺第 14 號彎道成功避開咗撞車事故，但喺比賽進行到 45 分鐘時，佢一度失控旋轉進入草皮，幸好冇發生碰撞。第二日 Keanu Reeves 再次參賽，表現有所進步，獲得第 24 名。

其實，雖然 Keanu Reeves 第一次參加職業賽事，但佢對賽車唔陌生。過去佢曾經參加過 Toyota Grand Prix of Long Beach 名人賽，仲成功奪冠，證明佢喺賽車界都擁有一定嘅成就。即使而家 Keanu Reeves 已經 60 歲，影迷仍然有機會見到佢事業嘅第二春。