《Promise Mascot Agency》係由英國獨立工作室 Kaizen Game Works 開發，雖然背後有部分來自日本的創意強者，例如曾參與過《大神》、《Bayonetta》同《Ghostwire：Tokyo 鬼線：東京》的創意總監中村育美，以及同樣來自中村新創開發工作室 Unseen 的概念美術設計師真鳥舞，你可以想像到今次遊戲將會帶有濃厚嘅日系風格。
遊戲跟隨主角菅原道真，佢係原黑道幹部，被放逐到九州一個人烟稀少嘅鄉村加所町，接管咗一間快要破產嘅吉祥物派遣事務所。故事上有點耳熟，但重點就係睇下呢款遊戲點樣惡搞！
你嘅主要任務係派遣充滿個性嘅吉祥物，這啲吉祥物係智慧生物，與人類從古至今都係共存嘅。佢哋有唔同嘅追求，有啲貪錢，有啲只想食便利店嘅飯團，仲有啲想令全世界陷入混亂，你要理解佢哋嘅需求，先可以將佢哋拉入你嘅事務所。
當你有咗吉祥物之後，你需要訓練佢哋，並且派佢哋去外面工作，呢些工作往往都涉及犯罪，作為司機，你就要駕駛一輛破爛的輕型貨車去接載佢哋，順道探索增值機會。貨車可以改裝，提升性能，包括渦輪增壓、跳躍、滑翔，甚至可以安裝砲彈發射器，把吉祥物「射」出去，駕駛過程有點《Crazy Taxi》味道。
喺工作期間，會遇到一啲意想不到的事件，例如宿敵、狹窄的出入口、廚房火災、甚至可怕的惡靈。如果你能結識鎮上嘅「英雄」，佢哋就可以幫你解決困難，包括路標超級英雄Captain Sign，同擁有大量乳膠收藏品嘅酒吧老闆Mama-San，佢哋甚至有時更像怪人，而唔係英雄。另外，遊戲中仲會有豐富嘅小遊戲，例如夾娃娃，帶你重溫《人中之龍》嘅經典味道。
《Promise Mascot Agency》預計喺2025年推出，支持平台包括Xbox Series X|S、Xbox One、PS5、PS4、Nintendo Switch，以及PC Steam / Epic Games Store / Microsoft Store，而現時已經可以下載到體驗版。