Samsung Galaxy Unpacked 2026 系列將於今晚香港時間凌晨 02:00 正式登場，Galaxy S26 今次重點唔係硬件升級，而係全球首部真正「多 AI 助理」手機。
Samsung 將 Perplexity AI 直接嵌入 OS 層級，用戶可用語音指令「Hey Plex」或按住側邊鍵啟動，完成深度搜尋同多步驟工作流。更實用嘅係，Perplexity 可以自動將答案儲存入 Notes、設置 Reminder、甚至加入 Calendar，唔使再手動複製貼上。
Galaxy S26 支援三個 AI 代理並存：Perplexity 負責搜尋，Gemini 處理 Google 服務，Bixby（由 Perplexity Sonar API 増強）控制 Samsung 原生 App。據彭博社報道，Samsung 正押注多助理策略，回應用戶同時使用多個 AI 工具嘅趨勢。
One UI 8.5 新增鍵盤智能建議功能，會掃描你嘅 Email 同 Messages，自動建議分享內容。瀏覽器入面可以直接用 AI 對網頁提問、摘要、翻譯，唔使跳出 App。
硬件方面，S26 系列預計維持三款型號，全線 256GB 起跳，取消 128GB 版本。重點功能係 Privacy Display 防偷窺螢幕，側面睇唔清內容。售價消息指由 €999 起（約 $8,400），S26 Ultra 為 €1,469（約 $12,300）。
Galaxy Buds 4 Pro 同步登場，支援頭部手勢控制、26 小時續航、遙控影相功能。入門版 Buds 4 採用開放式設計，24 小時續航。