Drake同Kendrick Lamar之間嘅音樂戰爭仲未結束，而家仲延燒到環球音樂呢間唱片公司。近日，Drake嘅律師團隊向曼哈頓法院提出訴訟，指控環球音樂明知Kendrick Lamar嘅Diss歌《Not Like Us》含有誹謗內容，居然仲大肆宣傳，仲話用咗機器人、付費推廣俾這首歌加熱，真係「欺騙性商業行為」。
根據《Billboard》的報導，Drake嘅律師團隊表示，環球音樂理應可以拒絕發佈《Not Like Us》，又或者要求Kendrick Lamar修改有爭議嘅內容，但佢哋偏偏冇咁做。「佢哋策劃、資助同執行咗一項計劃，目標係將《Not Like Us》推向病毒式熱門，借此利用對Drake及其業務造成的損害，產生消費者嘅狂熱，當然最終帶來巨額收益。」
律師指出，在批准發佈這首歌之前，環球音樂已經知道呢首歌本身，連同佢嘅專輯封面同音樂錄影帶，全部都係攻擊Drake嘅人格，甚至誣指佢係性犯罪者、戀童癖者、包庇性犯罪者，及其它刑事性犯罪行為。除此之外，律師仲認為環球音樂同Spotify涉嫌利用機器人同付費手段，令《Not Like Us》嘅數據表現異常，以至於「欺騙消費者以為呢首歌比實際受歡迎得多」。
對於所有指控，環球音樂出咗聲明，嚴正否認Drake團隊嘅指控，強調：「暗示環球音樂會做任何損害旗下藝人嘅事情，這種說法既冒犯又毫無根據。」截至目前，Drake提交嘅所有指控仍然未成為正式訴訟。
