由《狙擊精英》嘅開發團隊 Rebellion 打造嘅新遊戲《Atomfall》（原子能降臨），以核災作為背景，故事地點設定喺英國，並揉合科幻小說同民間恐怖傳說的元素，帶來新鮮感。最近，官方終於公佈咗這款被提名為「金搖桿獎」最受期待遊戲嘅正式推出時間，預計明年第一季就可以玩到。
《Atomfall》係一款生存動作遊戲，玩家將以第一身視角進入故事。遊戲基於 1957 年英國北部發生嘅溫斯喬火災，融合虛構情節。故事發生喺災難發生五年後，玩家需探索這個被隔離嘅村莊，面對奇怪人物、邪教以及政府官員等。本作最大嘅賣點係充分利用科幻、民間恐怖故事同冷戰元素，構築出一個似曾相識但又全然陌生嘅世界。
遊戲玩法主要圍繞探索、採集、求生同解謎，玩家需要透過採集物資來製作武器同道具，面對敵人時需要運用槍械或近戰技巧。解謎方面，玩家可以透過對話、調查以及戰鬥進行，每個選擇都會影響故事走向，讓你探索不同嘅劇情路徑。敵人多樣化，包括像土著嘅生物、奇特非人類種族，同時亦有帶有復古風格嘅機器人出現。此外，遊戲中仲有輻射探測器等道具，輻射將成為影響你生存嘅關鍵要素。
《Atomfall》將於 2025 年 3 月 28 日推出，支持平台包括 Xbox Series X|S、Xbox One、PS5、PS4 及 PC Steam & Microsoft Store，並會即日登錄 PC / Xbox Game Pass。
