近期，Disney 嘅動畫電影《海洋奇緣 Moana 2》在全球各地上映，票房表現遠超預期，根據 Deadline 嘅估計，全球票房有機會突破 3.7 億美元。
本部電影喺北美的感恩節假期上映，除咗創下感恩節當天嘅單日票房紀錄，達到 2,800 萬美元，首週票房預估可達 2.2 億美元，成功超越《冰雪奇緣 2》，成為北美影史上感恩節檔期收入最佳嘅電影。講到國際票房方面，首週預計會累積至 1.5 億美元，其中法國同墨西哥地方市場表現特別突出，分別收穫 630 萬美元同 440 萬美元，而中國市場週末票房都有望突破 4,000 萬人民幣。
不過，值得留意嘅係，雖然《海洋奇緣 2》喺票房方面表現不俗，但電影評價只能算一般。到目前為止，爛番茄嘅新鮮度停留喺 65%，較《腦筋急轉彎 2》、《玩具總動員2》同《超人特攻隊2》等其它動畫續作都有明顯差距。
目前，《海洋奇緣 2》已經喺台灣、馬來西亞等地上映，而香港則會喺 12 月 5 日正式推出。
