放假去邊好？一年一度嘅玩具車壇盛事「香港車仔展 2026」8月強勢回歸啦 ！今年大會誠意十足，移師到灣仔合和酒店 16 樓大禮堂舉行，場地更大、陣容更強 ！今屆主打「8-bit 像素」加「香港街頭文化」，唔單止有齊各大國際神級品牌俾大家瘋狂掃貨，仲有 1:1 JDM 真車現身、超靚港式微縮街景打卡位，甚至連 VR 體驗都有 ！無論你係資深車迷想去尋寶，定係想搵個地方拍拖、帶小朋友去親子放電，都絕對唔可以錯過。即睇記者為你整理嘅 4 大必睇 Selling Point 啦！
1｜震撼眼球！1:1 JDM 經典真車列陣
車仔展又點止得細車睇？今屆大會破天荒加入真實汽車文化元素，會場內將會展出 1:1 比例的日本 JDM（日本國內市場）傳奇真車 ！本地品牌 Tarmac Works 今年帶來兩部改裝真車坐鎮全場 : LB-Kaido Works R32 Skyline GT-R「Hong Kong Taxi」,特別換上香港「紅的」拉花,讓日系暴走風格碰撞香港街頭。
同場另一部 Pocket Bunny R32 GT-R 則以100%可愛 IP 拉花登場，適合喜歡 JDM 改裝車與潮流視覺元素的模型車迷。各位車迷可以一次過近距離欣賞真實跑車嘅迷人流線型車身，再瘋狂對比旁邊同款模型車嘅極致還原度，絕對係男人的浪漫，視覺震撼同打卡指數絕對爆燈 ！
2｜最有香港味的限定收藏，消防處裝載車、九十年代學校
巴士
如果收藏目標是香港交通題材，今屆有不少值得慢慢睇的作品。Tiny微影帶來平治Sprinter消防處滅火機械人裝載車，連同2022年引入的滅火機械人；另一款九十年代學校巴士紫色限定版，保留當年私家旅遊巴、廠巴與校巴常見的摺疊式車門，數量限定1,000件。
另外，模型品牌 80M 亦會帶來第五、六及第七代香港電車模型。對第一次入坑的讀者來說，香港題材亦比陌生賽車更容易找到自己的收藏方向。
3｜準備大出血！搶購會場限定版車仔
一場嚟到，當然要帶「戰利品」返屋企！今屆匯聚咗多個國際重量級模型品牌，包括 PopRace、Tarmac Works、Tiny、Inno64、Tomica 及 Schuco 等，陣容極之鼎盛 。各大品牌將會喺現場發佈全球最新模型及限量精品，當中最矚目嘅絕對係 Tarmac Works 推出嘅「LB-Kaido Works R32 Skyline GT-R 香港的士拉花版本」（售價 HK$220），極具本土特色同收藏價值，粉絲們記得準備定彈藥入場大出血 ！
車仔展今次亦有較適合親子或剛接觸收藏車仔的玩家。Blokees首次參展，帶來蝙蝠俠、變形金剛與超人(奧特曼)系列盲盒。蝙蝠俠積木車收錄諾蘭電影版Tumbler等車款；變形金剛系列每盒有12款角色。
4｜微縮世界展示區，飛機模型及微縮場景是非車迷都會睇得入迷的原因
今屆展覽唔只有私家車，更首度將陸、空模型大集結，加入飛機模型展區及鐵道模型，大大豐富咗整個微縮世界嘅層次 。新增展區， 飛機模型 The Model Hub 的航空地勤車輛及樓梯車、Khaho 鐵道模型，以及微縮世界展示區。微縮世界作品則把工場、人物與日常場景放進小尺度空間，值得放慢腳步逐格睇，為不同興趣的收藏家與家庭觀眾帶來更豐富的觀展體驗。
5｜星級旅遊達人分享
旅遊達人 Denman 將與大家分享如何把交通模型融入旅行之中，一邊去旅行、一邊追訪各地交通工具,再將它們的收藏帶返屋企,化成滿滿的旅程回憶。
6｜VR 沉浸式體驗賽車手
大會特設 MOTOGO VR Photo Booth 體驗，利用虛擬實境技術，令睇展覽由傳統靜態升級至動態沉浸式互動，不再局限於睇模型 ！參觀人士即場登記成為MOTOGO會員後，可免費參與虛擬實境賽車手拍照體驗，並獲贈指定紀念品。
香港車仔展2026入場資料
– 日期：2026年8月21日至23日
– 時間：8月21日 下午2時至晚上8時；8月22日至23日 中午12時至晚上8時
– 地點：香港灣仔合和酒店16樓Grand Ballroom
– 票價：HK$20
– 購票：即場售票 或 Klook
– 免費入場：65歲或以上人士持長者咭或出示身份證、持傷殘人士證人士、身高1米以下小童
– 官方網站：https://hktoycar.com
– 香港車仔展Facebook專頁：www.facebook.com/hktoycar
– 香港車仔展 Instagram：www.instagram.com/hktoycar/
