而家智能家居已經唔算新鮮事，但返到屋企時，無論幾先進，依舊要用指紋或手機 APP 等方法開門。根據外媒 Bloomberg 嘅報導，Apple 正計劃開發自家的家居門禁系統，特別係可以配合視像鏡頭，並以 Face ID 進行身份認證，解鎖方式類似大家平時用來解鎖 iPhone 的 Face ID。
呢個消息由 Bloomberg 的分析師 Mark Gurman 提供，他指出這套門禁系統會內建 Apple 自家的智能家居晶片 Proxima。呢款晶片具備 Wi-Fi 同藍牙功能，傳聞可能會內置於即將推出的新款 HomePod Mini 同 Apple TV 裡面。至於門禁系統，Gurman 認為 Apple 有機會推出自家系統，類似 Google 或 Amazon，或者開放 HomeKit 讓第三方系統使用呢項新功能。
至於推出時間，Gurman 提到最快有可能喺 2025 年底出現。此外，仲有消息指，Apple 亦計劃建立圍繞佢哋 AI 系統 Apple Intelligence 嘅智能家居系統，而今次提出嘅智能門禁系統正正係其中一部分，未來亦會推出全新嘅智能家居網絡攝影機、一款類似 iPad 嘅智能家居熒幕（可磁吸在牆壁或喇叭上），甚至有可能推出 Apple 嘅自家品牌智能電視。
