喺今早舉行嘅 Xbox Games Showcase 2025 中，Obsidian Entertainment 正式宣佈將於2025年發售《The Outer Worlds 2》。呢款科幻 RPG 將會登陸 Xbox Series X｜S、PS5 同埋 Steam，並且會喺推出首日登錄 Xbox Game Pass，同時支援全新嘅 Xbox Play Anywhere 功能。
距離前作已經六年，《The Outer Worlds 2》繼承咗黑曜石工作室嘅獨特風格，第一集一推出就備受玩家喜愛。今次續集，工作室透露遊戲系統將會更加立體，對話系統提供更多選擇，玩家嘅決定將會對劇情同NPC發展有直接影響，而遊戲過程嘅自由度亦會大大提升，例如可以選擇戰鬥或者用其他方法嚟解決問題。
喺呢個遊戲中，玩家將扮演一名喺太空執行秩序的執法者，喺理論上，你呢個角色應該係幫助市民解決難題並維持治安；但考慮到黑曜石一向嘅創作風格，最終你會選擇成為一個受人愛戴的好人，定係一個無所不用其極嘅投機者，完全視乎你自己喺遊戲入面嘅選擇。
例如，如果你選擇做「執法者」，你可能會充滿熱情，處理事情都偏向用武力；而如果你係「叛徒」，你就會變得狡猾，作為一名逃避追殺嘅亡命之徒，試圖喺地球理事會嘅庇護下避開昔日嘅僱主。
而家《The Outer Worlds 2》已經開始接受預購，工作室同時透露未來將會推出兩個劇情 DLC，讓玩家有更多內容可以享受。
