近日美國Las Vegas好紅，繼F1大賽同天價拍賣Gordon部S1 LM之外，平治又選擇於當地為即將在2026年投產的AMG GT 4-Door Coupe造勢，不但由自家F1車手George Russell充當泊車員（唔通嫌Kimi太後生唔似泊車員，所以無搵佢拍？），更找來近期在賽車界好紅的Brad Pitt造車主。
可惜影片開頭已經誤會酒店員工是他的影迷，點知AMG先是主角……老畢無癮之餘，George就開心死，一接到order就在酒店地下停車場，一直甩到上酒店大堂門口，直頭是甩住交車畀客。老畢一句都無投訴，上車後同樣甩住走，成條片睇得好過癮。
